يجعل ديار المحسنين دمار
فى اطار الشحاته اللى بتعملها على قفانا دولتنا الموقرة
زار الاسبوع اللى فات وفد ممثل للكونجرس
و عملوا جوله فى كل حته فيها مسئول كبير
و كل مسئول يا ولداه
قعد يعيط
و يدعى لعمنا الحج بوش
و ستنا أمريكا
اللى احنا من غيرهم مش هنلاقى المم
و ببعدهم عننا بيجلنا الهم
و الوزيرة اياها تقول لولا المعونة
كنا انتهينا
و اللى يقولهم المعونة اللى بتحيينا
و الشعب كله فى نفس واحد بيدعى لماما أمريكا
بالروح بالدم نقتل اخواتنا و تفضلى يا امريكا ست الكل
عن أى كل بتتكلموا
و لا شفت المعونة فادت طفل متشرد ماشى فى الشارع
و لا حتى موظف بيشحت علشان يعيش أسرته لأخر الشهر
و المسئول العسول بيشحت علينا و يقول لامريكا
يجعل ديار المحسنين عمار
اتقطعت ايدك و اتخرب بيت أمريكا و كل حد مد ايده يسلم على
مسئول جاى لينا منها
و ليا سؤال هو المعونة الامريكية اتعملت علشان ايه ؟
مادامت معونة زى ما بتقولوا يبقى تتصرف على البسطاء اللى تحت حد الفقر
و دول كتييييييييييييييييييييييييييييييييييييييييير جدا جدا
مش تتصرف على مشروعات ختان الاناث و شراء اللبان و المصاص لولاد الوزراء
و تيجى زيارة ابونا بوش أبو العرب كلهم حامى حمى الفضيلة و مساعد الغلابة على الخلاص
من ويلات الحكم الظالم فى دول الشرق و الغرب و الشمال و الجنوب و النص كمان
اللى ميقدرش يغمض له جفن و نملة فى أى حتى فى الأرض مش حاسه بحريتها
لو فيه حرامى من رجالته فى اى دولة مش عارف يسرق شعبه
نورت يا بوش مصر و يارب يزيد نورك كده و تلوع بيك الطيارة
و اخيرا الحق يقال و الدعاء بقدر الفضل العظيم للامريكان حكومة فقط
ربنا يجعل بيوت المحسنين دمار
دمار دمار دمارررررررررررر
==========
اخوكوا مزنوق فى 2 جنيه و عايز معونة يا ماما امريكا
و عارف انك حنينة حنية الأم على ابنها
======
أمريكا شيكا بيكا
أمريكا شيك بيكا
تلعبك ع الشناكل
و تخلى عليكا واطيكا
أمريكا أمريكا
Labels: مجذوب شاف كل حاجة بعنيه
posted by elmagzob at
2:07 AM
0 Comments
