ناصر الكرامة
من يوم ما غبت
غابت معاك كرامة وطن
و ماتت بعدك رجولة بلد
و البيه باعها و قبض
و برخص التراب
و يمكن أرخص
ماهو التراب بقاله تمن
و الهوا و شكل السما
كله فى ازايز باعه المفترى
كل الحاجات دى بقت أغلى
من إنسان ليه نفس بس أتقطع
آه يا ناصر و آه
من اللى جرى بعدك
مفيش كرامة لمصرى بره بلده
و لاجواها حتى للأسف
راحت الكرامة و أتلغت
راحت كرامة العرب
بيها بتتمسح شوارع بلاد
من غير عدد
بلاد الست اليزابيث اللى مش ستنا
و بلاد تركب الافيال
بس أفيالها داستنا برجلها
راحت الكرامة و فاضل اسمها
ليه شكل جميل
لكنه فى الآخر زيه زى العدم
راحت الكرامة ياناصر
من يوم ما رحلت
كلملى هيكل ياريس
يحكيلى عن أيام
الكرامة اللى اطفت
=======
قد تتوقع ان كاتب تلك الكلمات ناصرى حتى النخاع
و لكننى مثلما أحب عبدالناصر .. أكره الكثير من مواقفه و أفعاله
و لكن تبقى الحقيقة أحق بأن تعلن
ناصر = كرامة أمة
Labels: مجذوب لسه عايش دور الكرامة
3 Comments:
كل ما هو جميل فى بلاد العرب يتلاشى شئ بشئ
تمتع بالسيئ فالاسوء قادم
تحياتى
للأسف هذا هو ما يحصل الآن
ولكن الحال لا يدوم علىماهو عليه أبدا
نتمنى بعد هذه الانتكاسه الصعود لاعلى واستيعاب المواقف والاحداث لإصلاحها
شكرا لزيارتك اخي العزيز
ومدونة موفقة إنشاءالله
سيليزيا :))
شلونك يا مجذوب ؟
مصر هذي حبيبتنا وأم الدنيا
وعاشت بكرامة ومازالت بكرامة وان شاءالله بتعيش بكرامة دايما
شلون راحت الكرامة وفيها
شيوخنا شيوخ الأزهر الشريف وغيرهم كثير طبعا من الدعاة والمصلحين وفيها دكاترتنا وعلمائنا ولها تاريخ حظاري كبير ومستقبل اراه قريب وكبير باذن الله كما عودتنا مصر
سعدت في وجودي بمدونتك يا مجذوب
بس لو تسمح عندي سؤال ؟
شنو معنى مجذوب ؟
تحياتي
Post a Comment
Subscribe to Post Comments [Atom]
<< Home